小朋友流口水其實乃十分正常的事，特別是出牙仔的時候，但當流口水流得太多，或情況持續至牙仔出完後的話，便需要特別處理了。

為什麼小朋友會流口水呢？原因有很多，如不知道口水流出、咀唇不能合埋、不懂吞口水、下巴及舌頭的穏定性及力度不足等，以下一些建議可改善此情況︰

1. 如小朋友的理解能力許可的話，可教小朋友乾與濕的概念，可於洗臉、沖涼時教小朋友，當小朋友流口水時，要告訴他 "你的下巴濕左喎"，要小朋友自己拿紙巾或毛巾抹掉，以訓練小朋友的自覺性，或可以故意弄濕小朋友的下巴，要他自己抹番。

2. 教小朋友吞嚥的概念，一起望著鏡子練習咬食物同吞食物的過程，要小朋友摸下自己喉嚨感覺食物吞下時的過程，跟著要小朋友練習吞水或果汁等流質食物，最後可教小朋友係口中無任何食物或飲品的情況下吞自己的口水。

3. 教小朋友食完東西後用舌頭掃口腔內剩餘的食物，以加強對口腔的感知。

4. 多做口肌運動，如用飲管飲野 (可以飲些如乳酪等較杰的東西或用些有圈的飲管)、吹泡泡、吹羽毛、吹哨子、用咀唇印唇膏、震動咀唇發出聲音、用咀唇含著雪條棍，以大牙咬雪條棍、以舌頭掂果醬等等，以訓練咀唇、舌頭及下巴的力度及活動能力。

5. 打圈按摩面部肌肉，以加強肌肉張力。

想知更多言語治療師媽媽Miss Carley以專業角度分享的育兒資訊，可以follow Facebook 【言語治療師媽媽Miss Carley】喔！

Photo: Google
Cover Photo: Google